ముషీరాబాద్ నియోజకవర్గంలో కరోనా వేగంగా విస్తరిస్తోంది. శుక్రవారం ఒక్కరోజే 42 పాజిటివ్ కేసులు నమోదయ్యాయి. నియోజకవర్గం వ్యాప్తంగా ఇప్పటి వరకు 671 కేసులు వచ్చాయి. రోజురోజుకు మహమ్మారి విజృంభణతో స్థానికంగా కలవరం నెలకొంది. ముఖ్యంగా తలనొప్పి, జ్వరం, జలుబు ఏ ఒక్కరిలో కనిపించినా ఆ కుటుంబం, స్థానికులు గజగజ వణుకుతున్నారు.
నియోజకవర్గంలోని భోలక్పూర్, కవాడిగూడ, గాంధీ నగర్, అడిక్మెట్, ముషీరాబాద్, రాంనగర్ డివిజన్లలోని కొవిడ్ కేసులు పెరుగుతున్నాయి. ఇంట్లో వేర్వేరు గదులు లేని కుటుంబాల దుస్థితి దయనీయంగా ఉంది. కేసులు నేపథ్యంలో జీహెచ్ఎంసీ అధికారులు కంటైన్మెంట్ జోన్లు విస్తృతంగా ఏర్పాటు చేస్తున్నారు. ఇప్పటి వరకు మూడు ప్రాంతాలను కంటైన్మెంట్ చేశారు. ఆయా ప్రాంతాల్లో ఎప్పటికప్పడు రసాయనాలు పిచికారి చేస్తున్నారు. నియోజకవర్గం వ్యాప్తంగా కొవిడ్ వ్యాప్తి కట్టడికి అన్ని చర్యలు తీసుకుంటున్నట్లు అధికారులు తెలిపారు.
ఇదీ చూడండి : చెత్త ఎక్కడ పడితే అక్కడ పడేస్తున్నారా?.. అయితే జాగ్రత్త!
