నిర్బంధ తనిఖీలు... పోలీసుల అదుపులో అనుమానితులు

మాదాపూర్ పోలీస్ స్టేషన్ పరిధిలోని ఇజ్జత్​నగర్​లో మాదాపూర్ డీసీపీ వెంకటేశ్వర రావు ఆధ్వర్యంలో నిర్బంధ తనిఖీలు చేశారు. ఈ తనిఖీల్లో భాగంగా 15 మంది అనుమానితులు, సరైన పత్రాలు లేని 15 ఆటోలు, 26 ద్విచక్ర వాహనాలను స్వాధీనం చేసుకున్నారు.

హైదరాబాద్ మాదాపూర్ పోలీస్ స్టేషన్ పరిధిలోని ఇజ్జత్​నగర్​లో మాదాపూర్ డీసీపీ వెంకటేశ్వర రావు ఆధ్వర్యంలో నిర్బంధ తనిఖీలు నిర్వహించారు. 230 ఇళ్లలో తనిఖీలు చేశారు.

15 మంది అనుమానితులను అదుపులోకి తీసుకున్నారు. సరైన పత్రాలు లేని 15 ఆటోలు, 26 ద్విచక్ర వాహనాలను స్వాధీనం చేసుకున్నారు. ఈ కార్యక్రమంలో అడిషనల్ డీసీపీ, ఏసీపీ, 10 మంది సీఐలు, 32 మంది ఎస్ఐలు, 250 మంది పోలీసులు పాల్గొన్నారు.

ఇదీ చూడండి : 'సహకారం'లో సగానికిపైగా ఏకగ్రీవం!