ఆధార్, పాన్ అనుసంధానం
2018-19 ఆర్థిక సంవత్సరంలో ఆధార్తో పాన్ అనుసంధానం లేకున్నా శ్రేయ సేన్, జయశ్రీ సత్పటెకు పన్ను చెల్లించేందుకు దిల్లీ హైకోర్టు ఆదేశాలిచ్చింది. హైకోర్టు తీర్పును సవాలు చేస్తూ కేంద్రం చేసిన అప్పీలుపై అత్యున్నత న్యాయస్థానం తీర్పునిచ్చింది. వచ్చే ఏడాదిలోనూ పన్ను చెల్లింపులు తీర్పు సూచించిన విధంగానే జరగాలని కోర్టు నొక్కి చెప్పింది.
రాజ్యాంగ పరంగా ఆధార్ చట్టబద్ధమైనదే అయినా బ్యాంకు ఖాతాలు, చరవాణి, పాఠశాలల్లో తప్పనిసరి కాదని గతేడాది సెప్టెంబర్ 26న ఐదుగురు సభ్యుల ధర్మాసనం తెలిపింది. ఐతే ఆదాయపు పన్ను విషయంలో మాత్రం తప్పనిసరి అని సుప్రీం కోర్టు ఆదేశాలిచ్చింది.
