రేషన్​కార్డులు తొలగించట్లేదు

'ఎక్కువ భూమి ఉండి రైతుబంధు చెక్కులు తీసుకుంటే రేషన్​కార్డులు రద్దు చేస్తారంటా..! ఇక సరుకులు ఇవ్వరంటా..!' వదంతులను ఖండించింది పౌరసరఫరాలశాఖ.

పది ఎకరాలకు మించి ఉన్న రైతుబంధు లబ్ధిదారుల రేషన్‌కార్డులను తొలగిస్తున్నట్లు వస్తున్న ప్రచారంలో వాస్తవం లేదని రాష్ట్ర పౌరసరఫరాలశాఖ స్పష్టం చేసింది. ఇందుకు సంబంధించి ఎలాంటి ఉత్తర్వులు జారీ చేయలేని వెల్లడించింది. ప్రజలు ఆందోళన చెందొద్దని కమిషనర్​ అకున్‌ సబర్వాల్‌ ఓ ప్రకటనలో తెలిపారు. రైతుల రేషన్‌కార్డులను తొలగించాలనే ఆలోచన ప్రభుత్వానికి లేదని ఆయన స్పష్టం చేశారు. రేషన్ కార్డులు కలిగిన ప్రతి ఒక్కరికీ సరుకులు పంపిణీ చేస్తామన్నారు.

ఇవీ చూడండి:ధర్నా విరమించిన రైతులు