చంద్రయాన్ 2 కు సాయంత్రం నుంచి కౌంట్ డౌన్

సోమవారం జరగనున్న చంద్రయాన్ 2 ప్రయోగానికి.. ఇవాళ సాయంత్రం కౌంట్​డౌన్​ మొదలు కానుంది. 20 గంటల నిర్విరామ కౌంట్​డౌన్ తర్వాత.. చంద్రయాన్ ఉపగ్రహాన్ని.. వాహక నౌక జాబిల్లిపైకి తీసుకెళ్లనుంది.

సాంకేతిక సమస్యలతో నిలిచిపోయిన ప్రతిష్ఠాత్మక చంద్రయాన్ 2 ప్రయోగాన్ని.. ఈ సారి పకడ్బందీగా నిర్వహించేందుకు ఇస్రో శాస్త్రవేత్తలు సన్నాహాలు చేశారు. సోమవారం మధ్యాహ్నం 2 గంటల 43 నిముషాలకు ఏపీలోని నెల్లూరు జిల్లా శ్రీహరికోట అంతరిక్ష ప్రయోగ కేంద్రం నుంచి జీఎస్​ఎల్వీ మార్క్ 3 ఎమ్​1 వాహక నౌకను.. చందమామపైకి పంపనున్నారు. ఈ మేరకు.. ఇవాళ సాయంత్రం 6 గంటల 43 నిముషాలకు ప్రయోగ కౌంట్ డౌన్ ప్రారంభం కానుంది. 20 గంటల పాటు నిరంతరాయంగా కొనసాగిన తర్వాత.. 3.8 టన్నుల బరువున్న చంద్రయాన్ 2 ఉపగ్రహాన్ని.. వాహకనౌక రోదసీలోకి తీసుకువెళ్లనుంది.

ఇవీ చూడండి: నగరానికి పండుగ శోభ.. లష్కర్​ బోనాలు షురూ..