భద్రాద్రి కొత్తగూడెం జిల్లా ఇల్లందు, టేకుమట్ల మండలాల్లో గాలివాన బీభత్సం సృష్టించింది. గాలి ధాటికి పలు గ్రామాల్లోని ఇళ్ల రేకులు ఎగిరిపోగా.. మరికొన్ని పగిలిపోయాయి. కూలిన చెట్లు ఇళ్లపై పడ్డాయి. విద్యుత్ స్తంభాలు నేల కూలడంతో విద్యుత్ సరఫరాకు అంతరాయం కలిగింది.
గాలి ధాటికి మొక్కజొన్న పంట నేల వాలిపోయింది. గాలివాన బీభత్సానికి పంట తీవ్రంగా నష్టపోయిందని మామిడి తోటలను కౌలుకు తీసుకున్న రైతులు ఆవేదన వ్యక్తం చేశారు. ప్రభుత్వమే తమను ఆదుకోవాలని వేడుకుంటున్నారు.
ఇదీ చదవండి: భాజపా రాష్ట్ర పదాధికారుల సమావేశం... సాగర్ ఉపఎన్నికలపై చర్చ
