భద్రాద్రి కొత్తగూడెం జిల్లా ఇల్లందు టేకులపల్లి అటవీ పరిధిలో పులి సంచారం(tiger wandering video) కలకలం రేపుతోంది. మెట్లగూడెం సమీపంలోని జంగలపల్లి గేట్‌ వద్ద పులి రోడ్డు దాటుతుండగా అటవీ సిబ్బంది, వాహనదారులు గమనించారు. మూడురోజుల క్రితం ఓ కుక్క చనిపోగా... ఆ వాసన పసిగట్టి వచ్చినట్టు గుర్తించారు. పులి తిరుగుతున్న దృశ్యాలను వాహనదారులు సెల్‌ఫోన్‌లో చిత్రీకరించారు. అటవీశాఖ సిబ్బంది స్థానికులను అప్రమత్తం చేశారు. మరోవైపు పాల్వంచ వన్యప్రాణి అభయారణ్యం(tigers habitat) పరిధిలో లక్ష్మీదేవి మండలంలో పశువులపై(tiger attack cattle) పులి దాడి కలకలం రేపింది. ఆవులమందపై పులి దాడి చేయడంతో ఓ ఆవు మృత్యువాత పడింది. పంచాయతీ పరిధి తోకల బంధాల గ్రామానికి చెందిన గొప్ప రఘుబాబుకు కిన్నెరసాని వద్ద కొంత స్థలం ఉంది. ఆన ఎనిమిది ఆవులను అక్కడే కట్టేయగా... శుక్రవారం సాయంత్రం సమయంలో వాగు దాటి వచ్చిన పులి... ఆ ఆవులమందపై దాడి చేసింది.
భయం.. భయంగా..
ఈ దాడిలో గాయపడిన మరో ఆవు... తాడు తెంపుకుని పెద్దగా అరుస్తూ ఇంటికి చేరుకుంది. అనుమానంతో వాగు వద్దకు వెళ్లిన రఘుబాబు సంఘటనా స్థలికి వచ్చారు. వెంటనే అటవీ శాఖ అధికారులకు సమాచారం ఇచ్చారు. పులి దాడిలో ఓ ఆవు మృతి చెందిందని... మరికొన్ని పశువులు గాయపడ్డాయని చెప్పారు. ఇకపోతే అటవీ ప్రాంతాలకు చెందిన తాము భయభ్రాంతులకు గురవుతున్నట్లు బాధితుడు రఘుబాబు ఆవేదన వ్యక్తం చేశారు.
ములుగు జిల్లాలోనూ ఇటీవలె..
ములుగు జిల్లా తాడ్వాయి మండలంలోని కామారం అడవుల్లో ఇటీవలె పులి సంచారం(tiger wandering video) ఏజెన్సీ వాసులను హడలెత్తించింది. నవంబరు 8న సోమవారం రాకాసి గుట్ట సమీపంలో గడ్డి మేస్తున్న పశువుల మందపై పులి ఒక్కసారిగా విరుచుకుపడింది. వాటిని వేటాడేందుకు వెంబడిస్తుండగా... అదే సమయంలో పశువుల కాపర్లు శబ్దాలు చేయడంతో..... పులి వెనుదిరిగింది. మళ్లీ కొంతసేపటికే రెండుసార్లు పశువులపై దాడికి యత్నించగా కాపర్లు పెద్ద పెట్టున కేకలు వేయడంతో.. అడవిలోకి పులి పరుగులు తీసింది. సమాచారం అందుకున్న అటవీశాఖ అధికారులు ఘటనా స్ధలికి వెళ్లి విచారించి పులి సంచారాన్ని నిర్ధారించారు. పులి తిరుగుతున్న రాకాసి గుట్ట గ్రామస్థులు అడవుల్లోకి వెళ్లవద్దని.. పులికి ఎట్టిపరిస్ధితుల్లోనూ హాని తలపెట్టవద్దని హెచ్చరించారు. మంగపేట మండలం కొత్తూరు మెట్లుగూడం సమీపంలోని అటవీ ప్రాంతంలో పులి.. ఓ లేగదూడను చంపేసింది. పూర్తి వివరాల కోసం ఇక్కడ క్లిక్ చేయండి.
ఇదీ చదవండి: వరుస దాడులు చేస్తున్న ఆ పులి కోసం వేట షురూ..
