Thirukalyana Brahmotsavam: భద్రాద్రి కొత్తగూడెం జిల్లా భద్రాచలంలో శ్రీరామనవమి తిరుకల్యాణ బ్రహ్మోత్సవాలు వైభవంగా జరుగుతున్నాయి. ఈ నెల 2 నుంచి ప్రారంభమైన బ్రహ్మోత్సవాలు ఈనెల 16 వరకు కొనసాగనున్నాయి. ఇందులో భాగంగా ఆదివారం రాత్రి స్వామి వారికి తిరువీధి సేవ నిర్వహించారు. ఆలయంలోని ప్రధానమూర్తులను నిత్యకల్యాణ మండపం వద్దకు తీసుకొచ్చి దర్బార్ సేవ నిర్వహించారు. అనంతరం లక్ష్మణ సమేత సీతారాములను తిరువీధుల్లో ఊరేగించారు.
బ్రహ్మోత్సవాల్లో భాగంగా ఈనెల 6న అంకురార్పణ జరగనుంది. ఈనెల 9 నుంచి ప్రధాన ఘట్టాలు ప్రారంభం కానున్నాయి. 9వ తేదీన ఎదుర్కోలు మహోత్సవం, 10న సీతారాముల కల్యాణం, 11న మహా పట్టాభిషేకం జరగనున్నాయి. రవాణా శాఖ మంత్రి పువ్వాడ అజయ్కుమార్ నేడు ఉత్సవాల ఏర్పాట్లను పరిశీలించనున్నారు. అనంతరం జిల్లా అధికారులతో సీతారాముల కల్యాణం ఏర్పాట్లుపై సమీక్షిస్తారు. బ్రహ్మోత్సవాల సందర్భంగా ఈ నెల 2 నుంచి 16 వరకు నిత్య కల్యాణాలు నిలిపేశారు.
