ఇల్లందులో రేషన్​కార్డుదారుల ఆందోళన

నగదు తమ ఖాతాలో పడలేదని బాధితులు ఆందోళనకు దిగారు. భద్రాద్రి కొత్తగూడెం జిల్లా ఇల్లందులో రేషన్​కార్డుదారులు నిరసన చేపట్టారు.

భద్రాద్రి కొత్తగూడెం జిల్లా ఇల్లందు తహసీల్దార్​ కార్యాలయం వద్ద తెల్లరేషన్​ కార్డుదారులు ఆందోళనకు దిగారు. లాక్​డౌన్​లో ప్రభుత్వం అందిస్తోన్న నగదు పోస్టాఫీస్​ ద్వారా తమకు అందలేదని ఆవేదన వ్యక్తం చేశారు.

పట్టణంలోని 19వ వార్డులో మొదటి విడత నగదు కొందరికి వచ్చినట్లు సమాచారం వచ్చినా... బ్యాంక్​లో, పోస్టాఫీస్​లో నగదు అందలేదని నిరసన చేశారు. రెండో నెలలోనూ రాకపోవడం వల్ల ఆందోళనకు దిగినట్లు తెలిపారు.