మరో రెండు నెలల్లో పండంటి బిడ్డకు జన్మనివ్వాల్సిన ఓ మహిళను కరోనా వైరస్ కాటేసింది. మహమ్మారి బారినపడి వారం క్రితం ఆసుపత్రిలో చికిత్స పొందుతున్న ఆమె మంగళవారం మరణించింది. ఈ ఘటన భద్రాద్రి కొత్తగూడెం జిల్లా ములకలపల్లి మండలం చాపరాలపల్లి గ్రామంలో జరిగింది.
జిల్లాలోని చాపరాలపల్లి గ్రామానికి చెందిన చీకటి రజనీ కుమారి (32) ములకలపల్లి మండల కేంద్రంలోని ఎంపీడీఓ కార్యాలయంలో ఒప్పంద ప్రాతిపదికన కంప్యూటర్ ఆపరేటర్గా పని చేస్తోంది. 7 నెలల గర్భిణీ అయిన ఆమె వారం క్రితం కరోనా బారినపడడంతో కుటంబ సభ్యులు కొత్తగూడెంలోని ఓ ఆసుపత్రిలో చేర్పించి చికిత్స అందిస్తున్నారు. ఈ క్రమంలో పరిస్థితి విషమించిన రజనీ ఈ రోజు ( మంగళవారం) మృతి చెందింది. ఆమె మరణంతో గ్రామంలో విషాద ఛాయలు అలుముకున్నాయి. విషయం తెలుసుకున్న పవన్ కల్యాణ్ సేవా సమితి సభ్యులు రామాచారి, సుభాని, సురేశ్, దినేశ్ పీపీఈ కిట్లు ధరించి సంప్రదాయబద్దంగా అంత్యక్రియలు నిర్వహించారు.
ఇదీ చదవండి: MURDER: వివాహేతర సంబంధం.. కొడుకును చంపిన తల్లి
