'పోరాడే వారిని అరెస్టు చేయడం సరికాదు'

భద్రాచలం ఎమ్మెల్యే పొదెం వీరయ్యను కలిసేందుకు వెళ్తున్న కాంగ్రెస్​ సీనియర్​ నాయకులు వి. హనుమంతరావు, మాజీ ఎమ్మెల్సీ రాములు నాయక్​ను పోలీసులు అడ్డుకున్నారు. అరెస్టు చేసి పోలీస్​ స్టేషన్​కు తరలించారు.

భద్రాద్రి కొత్తగూడెం జిల్లా భద్రాచలంలోని శ్రీ సీతారామచంద్ర స్వామిని కాంగ్రెస్​ సీనియర్​ నాయకులు వి. హనుమంతరావు, మాజీ ఎమ్మెల్సీ రాములు నాయక్ దర్శించుకున్నారు. అనంతరం భద్రాచలం ఎమ్మెల్యే పొదెం వీరయ్యను కలిసేందుకు ఆయన స్వగృహానికి వెళ్తుండగా.. మార్గమధ్యలో పోలీసులు వారిని అడ్డుకున్నారు. ఫలితంగా బ్రిడ్జి సెంటర్​పై సుమారు గంటసేపు బైఠాయించారు. అనంతరం పోలీసులు వారిని అరెస్టు చేసి కొత్తగూడెం పోలీస్​ స్టేషన్​కు తరలించారు.

ప్రజల కోసం పోరాడుతున్న మమ్మల్ని అరెస్టు చేయడం దుర్మార్గమైన చర్య అని వీహెచ్​ మండిపడ్డారు. స్థానిక ఎమ్మెల్యేను కలవకుండా చేయడం పోలీసులకు సరికాదన్నారు. కాంగ్రెస్ హయాంలో కట్టిన ప్రాజెక్టులను చూడటానికి వెళ్తుంటే అడ్డుకోవడం బాధాకరమన్నారు.