వైస్​ ఎంపీపీ అంత్యక్రియల్లో పాల్గొన్న రేగా కాంతారావు

భద్రాద్రి కొత్తగూడెం జిల్లా కరకగూడెం మండలం వైస్​ ఎంపీపీ గుండెపోటుతో మరణించారు. విషయం తెలుసుకున్న ప్రభుత్వ విప్, ఎమ్మెల్యే రేగా కాంతారావు మృతుడి స్వగ్రామానికి చేరుకుని నివాళులర్పించారు. తానే స్వయంగా పాడె మోశారు.

తన స్నేహితుడైన వైఎస్​ ఎంపీపీ పఠాన్​ ఆయూబ్​ ఖాన్​ అంత్యక్రియల్లో ప్రభుత్వ విప్​, ఎమ్మెల్యే రేగా కాంతారావు పాడె మోశారు. భద్రాద్రి కొత్తగూడెం జిల్లా కరకగూడెం మండలం పద్మాపురంలో గుండెపోటుతో మరణించగా.. తన చిన్ననాటి స్నేహితుడి మృతదేహం వద్ద రేగా కన్నీటి పర్యంతమయ్యారు.

ఆయూబ్​ ఖాన్​... అర్ధరాత్రి 12 గంటల సమయంలో ఛాతీలో నొప్పిగా ఉందంటూ ఒక్కసారిగా కుప్పకూలిపోయాడు. వెంటనే అతన్ని ఆస్పత్రికి తరలిస్తుండగా మార్గమధ్యలో మృతిచెందాడు. విషయం తెలుసుకున్న ప్రభుత్వ విప్ ఎమ్మెల్యే రేగా కాంతారావు హైదరాబాద్ నుంచి వచ్చి.... స్నేహితుడి అంత్యక్రియల్లో పాల్గొన్నారు.

ఇదీ చూడండి: జగిత్యాల జిల్లాలో ఒక్కరోజే 546 కరోనా పాజిటివ్