గత ప్రభుత్వం ప్రతి శాఖను అప్పుల్లో ముంచింది : డిప్యూటీ సీఎం భట్టి

Deputy CM Bhatti Vikramarka Visit Bhadradri Thermal Power Plant : భద్రాద్రి థర్మల్ పవర్​ ప్లాంట్​కు ముడి సరకు, పర్యావరణ సమస్యలు ఉన్నాయని డిప్యూటీ సీఎం భట్టి విక్రమార్క తెలిపారు. గత ప్రభుత్వం విద్యుత్​ కొనుగోలు కోసం భారీగా అప్పులు చేసిందని ఆరోపించారు. భద్రాద్రి థర్మల్​ పవర్ ప్లాంట్​ను సందర్శించిన అనంతరం ఆయన ఈ మేరకు మాట్లాడారు.

Deputy CM Bhatti Vikramarka Visit Bhadradri Thermal Power Plant : గత ప్రభుత్వం విద్యుత్​ కొనుగోలు కోసం భారీగా అప్పులు చేసిందని ఉప ముఖ్యమంత్రి, ఆర్థిక శాఖ మంత్రి భట్టి విక్రమార్క(Bhatti Vikramarka) అన్నారు. విద్యుత్​ కొనుగోలు కింద రూ.59,580 కోట్ల బకాయిలు ఉన్నాయని చెప్పారు. గత ప్రభుత్వం ప్రతి శాఖను అప్పుల్లో ముంచిందని ఆరోపించారు. ఇలాంటి సమయంలో కొత్త ప్రభుత్వం ప్రణాళిక బద్ధంగా, ముందుచూపుతో అడుగులు వేయాల్సి ఉందన్నారు. భద్రాద్రిలోని థర్మల్​ విద్యుత్​ ప్లాంట్ (Bhadradri Thermal Plant)​ను ఆయన సందర్శించారు. అధికారులకు తగు సూచనలు చేశారు. అనంతరం సమావేశంలో మాట్లాడారు.

Bhadradri Thermal Power Plant : ఈ సందర్భంగా ప్రతి శాఖలోని పరిస్థితులను సమీక్ష చేస్తున్నామని భట్టి విక్రమార్క పేర్కొన్నారు. గత ప్రభుత్వం విద్యుత్​ శాఖను పీకల్లోతు అప్పుల్లో ముంచి వెళ్లిందని ఆరోపించారు. విద్యుత్​ శాఖలోని సమస్యలను క్రమంగా అధిగమిస్తామని ఆశాభావం వ్యక్తం చేశారు. అనేక ఆకాంక్షలతో ప్రత్యేక రాష్ట్రాన్ని తెచ్చుకున్నామన్నారు. ప్రజలు, ఉద్యోగులు కలిసి పని చేస్తేనే సమస్యలను అధిగమించలగమని వివరించారు. భద్రాద్రి థర్మల్​ ప్లాంట్​ విషయంలో అనేక సమస్యలు ఉన్నాయన్న ఆయన, భద్రాద్రి ప్లాంట్​కు ముడి సరకు, పర్యావరణ సమస్యలు ఉన్నాయని చెప్పారు.

Bhatti Vikramarka Fires on BRS : గత ప్రభుత్వం చేసిన విద్యుత్​ అప్పులను చూస్తుంటే రాబోయే తరాలను కూడా తాకట్టు పెట్టారని రాష్ట్ర ఉప ముఖ్యమంత్రి భట్టి విక్రమార్క వ్యాఖ్యానించారు. భద్రాద్రి కొత్తగూడెం జిల్లా మణుగూరులోని భద్రాద్రి థర్మల్ విద్యుత్​ కేంద్రాన్ని సందర్శించారు. గత ప్రభుత్వ విద్యుత్​ లెక్కలను పరిశీలిస్తే ఆందోళనకరంగా ఉందని, డిస్కం, ట్రాన్స్​కో, జెన్​కో సంస్థలకు గత పదేళ్లలో రూ.81,516 కోట్లు రుణంగా తీసుకుందని చెప్పారు. ప్రభుత్వం నుంచి డిస్కంలకు చెల్లించే బకాయిలు రూ.28,842 కోట్లుగా ఉన్నాయని అన్నారు. దీంతో మొత్తం రూ.1,10,358 కోట్లు అప్పుగా ఉందన్నారు.

విద్యుత్​ కొనుగోలు చేసేందుకు రూ.30,406 కోట్ల వెచ్చించారని పేర్కొన్నారు. సింగరేణికి చెల్లించాల్సిన బకాయిలురూ.19,430 కోట్లు, జెన్​కోకు చెల్లించాల్సిన బకాయిలు రూ.9,743 కోట్లుగా ఉన్నాయన్నారు. విద్యుత్​ కొనుగోలు పేరుతో రాష్ట్ర ప్రభుత్వంపై పడిన బకాయిల భారం రూ.59,580 కోట్లు కాగా, 2014 నాటికి విద్యుత్ కొనుగోలు కోసం అప్పటి ప్రభుత్వానికి కేవలం రూ. 7259 కోట్లు బకాయిలు ఉంటే, ఈ పదేళ్లలో బకాయిలు రూ.59,580 కోట్లకు పెరిగాయని వెల్లడించారు.

విద్యుత్ తప్పులతో రాష్ట్రాన్ని భయానక పరిస్థితులకు నెట్టివేశారని, విద్యుత్ అప్పులపై శ్వేత పత్రం ద్వారా తెలియజేశామని, రాష్ట్రాన్ని తిరిగి గాడిలో పెట్టాలంటే నిబద్ధత ప్రణాళికతో ముందడుగు వేయాల్సిన అవసరం ఉందని భట్టి విక్రమార్క అన్నారు. వాస్తవ పరిస్థితులను ప్రజలకు తెలియపరిచేందుకే ప్లాంట్లను సందర్శిస్తున్నామన్నారు.