భద్రాద్రిలో సహస్ర కలశాభిషేకం

మాఘ పౌర్ణమిని పురస్కరించుకుని భద్రాద్రిలో లక్ష్మణ సమేత సీతారాములకు వెయ్యి కలశాలతో అభిషేకం నిర్వహించారు.

భద్రాద్రి రామయ్య సన్నిధిలో మాఘ పౌర్ణమి సందర్భంగా లక్ష్మణ సమేత సీతారాములకు ప్రత్యేక పూజలు నిర్వహించారు. స్వామివారికి వివిధ నదీజలాలు, సముద్రజలం, పంచామృతాలు వంటి తీర్థాలున్న 1000 కలశాలతో స్వామికి అభిషేకం చేస్తూ ధూప దీప నైవేద్యాలు సమర్పించారు.

ఈ వేడుక అర్చకులు మంత్రోచ్ఛారణలు, పండితుల వేద పఠనం నడుమ వైభవంగా జరిగింది.