అశ్వాపురంలో ఆర్టీసీ బస్సు ఢీకొని వ్యక్తి మృతి
భద్రాద్రి కొత్తగూడెం జిల్లా అశ్వాపురంలో ఆర్టీసీ బస్సు ఢీకొని సోపాన్ తర్కసే అనే మహారాష్ట్రకు చెందిన వ్యక్తి మృతిచెందాడు. సీతారామ ప్రాజెక్టు నిర్మాణపనుల్లో ఆపరేటర్గా పని చేస్తున్న తర్కసే... అశ్వాపురం ప్రధాన రహదారిని దాటుతున్న సమయంలో ఈ దారుణం జరిగింది. మణుగూరు డిపోనకు చెందిన బస్సు... కొత్తగూడెం నుంచి వస్తున్న క్రమంలో ఢీ కొట్టింది. ఈ ప్రమాదంలో సోపాన్ తర్కసే తీవ్ర గాయాలపాలై అక్కడికక్కడే మృతిచెందాడు. ఈ ఘటనపై అశ్వాపురంలో పలు రాజకీయ పార్టీలు నిరసన వ్యక్తం చేశాయి. వ్యక్తి మృతికి ఆర్టీసి అధికారులే కారణమని ఆరోపిస్తూ... మృతుని కుటుంబానికి న్యాయం చేయాలని నాయకులు డిమాండ్ చేశారు.
ఇవీ చూడండి: 'పళ్లెత్తుగా ఉన్నాయని పెళ్లాన్నొదిలేశాడు'
