శాంతించిన గోదారమ్మ... 52.5 అడుగులకు చేరిన నీటిమట్టం

వారం రోజులుగా కురుస్తున్న వర్షాలకు ఉప్పొంగిన గోదావరి శనివారం శాంతించింది. భద్రాచలం వద్ద వరద 52.5 అడుగులకు చేరడం వల్ల స్థానికులు ఊపిరి పీల్చుకున్నారు. మూడో ప్రమాద హెచ్చరిక కొనసాగుతుంది.

భదాద్రి కొత్తగూడెం జిల్లా భద్రాచలంలో గోదావరి కాస్త శాంతించింది. శుక్రవారం వరకు 52.5 అడుగులకు పెరిగిన గోదావరి నీటిమట్టం రాత్రి నుంచి స్వల్పంగా తగ్గుతూ వస్తోంది. ఈ ఉదయం ఆరు గంటలకు 52.5 అడుగుల వద్ద ప్రవహిస్తోంది.

సుమారు రెండు అడుగుల మేర తగ్గడం వల్ల స్థానిక ప్రజలు ఊపిరి పీల్చుకున్నారు. ఇంకా మూడో ప్రమాద హెచ్చరిక కొనసాగుతోంది. 52.5 అడుగుల కంటే తగ్గితే అధికారులు ఈ ప్రమాద హెచ్చరికను ఉపసంహరించుకోవాలన్నారు. గోదావరి ఉద్ధృతికి భద్రాచలంలోని ఏజెన్సీ మండలాలకు రాకపోకలు నిలిచిపోయాయి.

ఇవీచూడండి: పులిచింతల వైపు కృష్ణమ్మ పరుగులు