రాష్ట్రంలో ఒక్కో ప్రాంతానికి ఒక్కో ప్రాముఖ్యత ఉంటుంది. భోజన ప్రియులకు హైదరాబాద్ అంటే గుర్తొచ్చేది బిర్యానీ.. అలా సువిశాలమైన అడవులు కలిగి ఉన్న ఆదిలాబాద్ జిల్లాకూ ఓ ప్రత్యేకత ఉంది. ఆదివాసీల సంప్రదాయాలను నేటికి కొనసాగిస్తూ ఆదర్శంగా నిలుస్తోంది ఉట్నూర్ ఏజెన్సీ ప్రాంతం. అడవుల్లో లభించే ఇప్పచెట్టు పువ్వును సేకరించి రొట్టెలు, లడ్డూలు, ఫ్రై, గారెలు లాంటి పలు రకాల ఆహార పదార్థాలను తయారుచేస్తున్నారు అక్కడి ప్రజలు.
ప్రతి సంవత్సరం ఇప్ప పువ్వు పండగ పేరుతో కార్యక్రమం నిర్వహిస్తున్నారు. రుచితో పాటు ఆరోగ్యానికి ఎంతో మేలు చేస్తాయంటున్నారు ఇక్కడి ప్రజలు. ఈ విషయం తెలుసుకొన్న జిల్లా పాలనాధికారి దివ్య దేవరాజన్ వారందరిని ఒక చోట చేర్చారు. ప్రజామిత్ర సహకార సంఘంగా నమోదు చేయించారు. ఈ ఏడాది ఇప్పు పువ్వు పండుగ నిర్వహించాలని సూచించారు.
నేడు ఇప్ప పువ్వు పండుగ
ఇవాళ ఉట్నూరు మండలంలోని కుమురం భీం ప్రాంగణంలో ఈ మహోత్సవాన్ని నిర్వహించేందుకు ఏర్పాట్లు పూర్తిచేశారు. ఇందు కోసం ఇప్పపువ్వుతో అనేక రకాల ఆహార పదార్థాలు చేసే పనిలో ప్రజలు నిమగ్నమయ్యారు.
ఇవీ చూడండి: కేంద్ర సహాయమంత్రిగా కిషన్‌రెడ్డి ప్రమాణ స్వీకారం
