తన కలంతో సమాజంలో వివక్షను ఎక్కుపెట్టిన కవి సామ్రాట్ అన్న బావు సాఠే .. ఆ మహానీయుడి విగ్రహాన్ని ఉట్నూర్ మండల కేంద్రంలో ఖానాపూర్ ఎమ్మెల్యే రాథోడ్ రేఖ నాయక్ ఆవిష్కరించారు. ఈ విగ్రహా ఆవిష్కరణకు సాఠే కార్యవర్గ సభ్యులు ఖానాపూర్ ఎమ్మెల్యే రాథోడ్ రేఖ నాయక్తో పాటుగా .. అదిలాబాద్ జిల్లా పరిషత్ చైర్మన్ రాథోడ్ జనార్దన్కు ఘనంగా స్వాగతం పలికారు. నూతనంగా ఏర్పాటు చేసిన సాహితి వేత్త సాఠే విగ్రహాన్ని ఆవిష్కరించి పూలమాలలు వేశారు.
ఈ సందర్భంగా ఎమ్మెల్యే రాథోడ్ రేఖ నాయక్ మాట్లాడుతూ.. మహానీయుడు అన్న బావు సాఠే అడుగుజాడలో నడిచి అయన కలలను నిజం చేయాలని పేర్కొన్నారు. ఏజెన్సీ ప్రాంతంలోని ఎస్సీలకు దళిత బస్తీ, మూడెకరాల భూమి అందించేలా కృషి చేస్తామని జడ్పీ ఛైర్మన్ పేర్కొన్నారు. ఈ విషయమై ఖానాపూర్ ఎమ్మెల్యేతో కలిసి సీఎం దృష్టికి తీసుకెళ్లామని చెప్పారు.
ఇదీ చదవండి:ప్రతిధ్వని: ధరల పెంపు.. సామాన్యుడిపై ప్రభావం
