పత్తి విత్తనాల దుకాణాల్లో తనిఖీలు

ఆదిలాబాద్​ జిల్లా ఇచ్చోడ మండలకేంద్రంలోని ఎరువులు, విత్తనాల దుకాణాల్లో వ్యవసాయ పోలీసు శాఖ తనిఖీలు నిర్వహించారు. నిషేధిత విత్తనాలను సరఫరా చేస్తే క్రిమినల్​ కేసులు నమోదు చేస్తామని హెచ్చరించారు.

ఆదిలాబాద్​ జిల్లా ఇచ్చోడ మండల కేంద్రంలోని ఎరువులు, విత్తనాలు దకాణాల్లో వ్యవసాయ పోలీసు శాఖ తనిఖీలు జరిపారు. వ్యవసాయ అధికారి కైలాస్​ జాదవ్​, ఎస్సై పుల్లయ్య విత్తన దుకాణాలను సోదా చేసి రికార్డులు పరిశీలించారు. గోదాము నిల్వలను, పత్తి విత్తనాల కంపెనీ ప్యాకెట్లను పరిశీలించారు. నిషేధిత విత్తనాలను విక్రయిస్తే క్రిమినల్​ కేసులు నమోదు చేస్తామని హెచ్చరించారు.