గవర్నర్ తమిళిసైపై ముఖ్యమంత్రి కేసీఆర్ హుజూర్నగర్ ఎమ్మెల్యే సైదిరెడ్డితో విమర్శలు చేయించారని ఆదిలాబాద్ ఎంపీ సోయం బాబురావు ఆరోపించారు. ఎమ్మెల్యే వ్యాఖ్యలను తీవ్రంగా ఖండిస్తున్నామన్నారు. గవర్నర్ను విమర్శించే స్థాయి సైదిరెడ్డికి ఎక్కడిదని మండిపడ్డారు. కరోనా వ్యాప్తి నియంత్రణ విషయంలో రాష్ట్ర ప్రభుత్వం... గవర్నర్ సలహాలు, సూచనలను పట్టించుకోలేదని తీవ్ర ఆగ్రహం వ్యక్తం చేశారు.
కేసీఆర్కు మింగుడు పడట్లేదు...
కొవిడ్ విపత్కర పరిస్థితుల్లో రాష్ట్ర ప్రజలకు అన్యాయం జరుగుతుందని గవర్నర్ అనడం... కేసీఆర్కు మింగుడు పడటం లేదని దుయ్యబట్టారు. కేసీఆర్ ఒంటెద్దు పోకడలతో రాష్ట్రాన్ని సర్వ నాశనం చేస్తున్నారని ధ్వజమెత్తారు. గవర్నర్ చెప్పినా వినరు... హైకోర్టు చెబితే పట్టించుకోరు.. ఎవరూ చెబితే వింటారో స్పష్టం చేయాలన్నారు.
ఇవీ చూడండి : నదీజలాలపై అపెక్స్ కౌన్సిల్ సమావేశానికి రెడీ: కేసీఆర్
