మంగళవారం నుంచి జరగబోయే టొయోటా థాయ్లాండ్ ఓపెన్లో అంచనాల మేరకు రాణిస్తామని భారత షట్లర్లు ఆశాభావం వ్యక్తం చేశారు. వారం క్రితం జరిగిన యోనెక్స్ థాయ్లాండ్ ఓపెన్లో భారత బ్యాడ్మింటన్ ఆటగాళ్లు అత్యంత చెత్త ప్రదర్శన చేశారు. ఏ ఒక్క క్రీడాకారుడు కనీసం రెండో రౌండ్ దాటలేదు.
టోక్యో ఒలింపిక్స్ పతక పోటీదారు అయిన సింధు గత రెండు నెలలుగా లండన్లో శిక్షణ తీసుకుంది. ఆమె తొలి గేమ్లో ప్రపంచ 12వ సీడ్ బుసానన్తో తలపడనుంది. గత టోర్నీలో సైనాను, బుసానన్ ఓడించింది. ఇటీవల కొవిడ్ నుంచి కోలుకున్న సైనా ఈ టోర్నీలోనైనా ఆకట్టుకుంటుందేమో చూడాలి. ఆమె మొదటి మ్యాచ్లో నాల్గవ సీడ్ క్రీడాకారిణి రాట్చానోక్ ఇంటానాన్ను ఎదుర్కోనుంది.
పది నెలల అనంతరం కిదాంబి శ్రీకాంత్ మినహా ఆటగాళ్లందరికీ టొయోటా థాయ్లాండ్ ఓపెన్యే మొదటి టోర్నీ. ఈ టోర్నీలో ఒలింపిక్ రజత విజేత పీవీ సింధు.. మొదటి రౌండ్లోనే వెనుదిరిగింది. లండన్ గేమ్స్ విన్నర్ సైనా నెహ్వాల్ రెండో రౌండ్లోనే చేతులెత్తేసింది. ప్రపంచ మాజీ నం.1 బ్యాడ్మింటన్ శ్రీకాంత్, 2014 కామన్వెల్త్ విజేత పారుపల్లి కశ్యప్ గాయం కారణంగా వెనుదిరిగారు.
ఇదీ చదవండి: ఉద్యోగులకు టీకా ఇచ్చే యోచనలో స్టీల్ సంస్థలు
