ఒలింపిక్స్ నుంచి టెన్నిస్ స్టార్ ఆటగాళ్లు ఒక్కొక్కొరుగా తప్పుకుంటున్నారు. తాజాగా.. వచ్చే నెలలో జరగనున్న ఒలింపిక్స్కు దూరంకానున్నట్టు అమెరికా టెన్నిస్ స్టార్ సెరెనా విలియమ్స్ ప్రకటించింది. యూఎస్ ఒలింపిక్ జాబితాలో పేరు లేని కారణంగా తాను ఈ మెగా ఈవెంట్ నుంచి తప్పుకున్నట్లు తెలుస్తోంది.
"నిజానికి ఒలింపిక్ జాబితాలో నా పేరు లేదు. నాకు ఈ విషయం తెలియదు. అలా అయితే నేను ఈ మెగా ఈవెంట్లో పాల్గొనను. ఈ కారణం తీసుకోవడానికి చాలా కారణాలు ఉన్నాయి" అని సెరెనా తెలిపింది.
2012 లండన్ ఒలింపిక్స్లో సింగిల్స్, డబుల్స్లో పాల్గొన్న సెరెనా.. రెండు గోల్డ్ మెడల్స్ సాధించింది. దీంతో పాటు సిడ్నీ ఒలింపిక్స్-2000లో మహిళల డబుల్స్లో స్వర్ణం గెలిచింది ఈ 39 ఏళ్ల టెన్నిస్ స్టార్. 2008 బీజింగ్ ఒలింపిక్స్లోనూ బంగారు పతకం తన ఖాతాలో వేసుకుంది. తన సోదరి వీనస్ విలియమ్స్ జతగా డబుల్స్లో గోల్డ్ మెడల్స్ సాధించింది సెరెనా. ఇక రియో వేదికగా 2016 మెగా ఈవెంట్లో మూడో రౌండ్లోనే ఇంటిముఖం పట్టింది.
ఇప్పటికే రాఫెల్ నాదల్, డొమినిక్ థీమ్.. టోక్యో గేమ్స్ నుంచి తప్పుకుంటున్నట్లు ప్రకటించారు. మరో వైపు రోజర్ ఫెదరర్ కూడా ప్రతిష్టాత్మక క్రీడల్లో పాల్గొనేది అనుమానమేనని చెప్పుకొచ్చాడు.
ఇదీ చదవండి: ఒలింపిక్స్కు ఫెదరర్ దూరం!
