భారత స్టార్ షట్లర్ ఆటతో పాటు ఆదాయంలోనూ దూసుకుపోతోంది. ఈ ఏడాది తొలి త్రైమాసికంలో టైటిల్స్ ద్వారా ఎక్కువ డబ్బు సంపాదించిన వారిలో సైనా రెండో స్థానంలో నిలిచింది. ఇండోనేషియా మాస్టర్స్ విజయం, మలేషియా మాస్టర్స్లో సెమీఫైనలిస్టు, ఆల్ ఇంగ్లండ్ ఛాంపియన్షిప్లో క్వార్టర్స్కు చేరడం లాంటి ప్రదర్శనలతో 36,825 డాలర్లు(రూ. 25 లక్షలపైన) సంపాదించింది.
మహిళల సింగిల్స్లో సైనా రెండో స్థానంలో ఉండగా ఆల్ ఇంగ్లండ్ ఛాంపియన్ విజేత చెన్ యూఫీ 86,325 డాలర్ల(దాదాపు రూ. 60 లక్షలు)తో అగ్రస్థానంలో ఉంది. ప్రపంచ నెం1 ర్యాంకర్ తైజూ ఇంగ్ మూడో స్థానంతో సరిపెట్టుకుంది. తెలుగమ్మాయి పీవీ సింధు ఆల్ ఇంగ్లండ్ నుంచి తొలి రౌండ్లోనే నిష్క్రమించినందున ఇండియాఓపెన్లో సత్తా చాటాలని భావిస్తోంది. సింధు పేరు ఈ జాబితాలో లేకపోవడం గమనార్హం.
పురుషుల సింగిల్స్లో కెంటోమెమోటా 94, 550 డాలర్ల(రూ. 65 లక్షలు)తో ప్రథమ స్థానంలో ఉన్నాడు. విక్టర్ అక్సెల్సన్ 44,150 డాలర్ల(రూ. 30లక్షలు)తో రెండో స్థానంలో ఉన్నాడు. మహిళల డబుల్స్లో చెన్- జియా జోడి 39,356 డాలర్లు(రూ. 27 లక్షలు), మాయూ- వాకానా జోడి 28,150 డాలర్ల(రూ. 19లక్షలు)తో తొలి రెండు స్థానాల్లో ఉన్నారు. పురుషుల డబుల్స్లో అహ్సాన్- సెతియావాన్ జోడి 44,850(రూ. 31లక్షలు)తో మొదటి స్థానంలో ఉంది.
