స్విస్ టెన్నిస్ దిగ్గజం రోజర్ ఫెదరర్ (Roger Federer) మరోసారి మోకాలి సర్జరీ చేయించుకోనున్నాడు. దీంతో ఆగస్టు 30 నుంచి జరిగే యూఎస్ ఓపెన్కు (US Open) దూరం కానున్నాడు. చివరిసారిగా వింబుల్డన్ సందర్భంగా రాకెట్ పట్టిన ఈ స్టార్ ప్లేయర్.. మోకాలి గాయం వల్ల టోక్యో ఒలింపిక్స్లో ఆడలేదు.
"వింబుల్డన్ తర్వాత జరిగిన పరిణామాలపై మీకు కొంత సమాచారం ఇవ్వాలనుకుంటున్నాను. నా మోకాలి గాయానికి సంబంధించి డాక్టర్లను కలిశాను. చాలా చెకప్లు చేయించాను. నాకు సర్జరీ అవసరమని వారు సూచించారు. అందుకు నేను సిద్ధపడ్డాను. విశ్రాంతి తీసుకోవాలని వైద్యులు చెప్పారు" అని ఇన్స్టా వేదికగా పోస్టు చేసిన ఓ వీడియోలో ఫెదరర్ పేర్కొన్నాడు.
"ఈ శస్త్ర చికిత్స వల్ల నేను కొంతకాలం ఆసుపత్రిలో గడపాల్సి ఉంటుంది. కొన్ని నెలల పాటు ఆటకు దూరంగా ఉండాలి. ఇది కష్టమైనప్పటికీ నా ఆరోగ్యం దృష్ట్యా నాకిది చాలా అవసరం. త్వరలోనే మళ్లీ కోర్టులోకి దిగుతాను" అని రోజర్ ఆశాభావం వ్యక్తం చేశాడు.
- " class="align-text-top noRightClick twitterSection" data="
">
చివరిసారిగా వింబుల్డన్లో పాల్గొన్నాడు ఫెదరర్. పోలాండ్ ఆటగాడు హర్కజ్తో జరిగిన క్వార్టర్ ఫైనల్లో 6-3, 7-6, 6-0 తేడాతో వరుస సెట్లలో ఓడిపోయాడు ఈ దిగ్గజ ప్లేయర్.
ఇదీ చదవండి: ఆ నటితో లియాండర్ పేస్ రిలేషన్షిప్.. గోవాలో సందడి?
