వింబుల్డన్(Wimbledon) పురుషుల డబుల్స్ ట్రోఫీని క్రొయేషియా ద్వయం నికోలా మెక్టిక్, మేట్ పావిక్ కైవసం చేసుకున్నారు. ఫైనల్లో మార్సెల్ గ్రానోల్లర్స్(స్పెయిన్)-హోరాసియో జెబలోస్ల(అర్జెంటీనా) జోడీపై 6-4, 7-6 (5), 2-6, 7-5తో విజయం సాధించింది.
వింబుల్డన్ టైటిల్ గెలిచిన మొదటి క్రొయేషియా డబుల్స్ జోడీగా ఈ ద్వయం రికార్డు సృష్టించింది. 20 ఏళ్ల క్రితం అదే దేశానికి చెందిన గోరాన్ ఇవానిసెవిక్ పురుషుల సింగిల్స్ గెలుపొందాడు. మెక్టిక్-పావిక్ జంటకు ఈ సీజన్లో ఎనిమిదో టైటిల్ ఇది.
2018 ఆస్ట్రేలియా ఓపెన్తో పాటు యూఎస్ ఓపెన్ను పావిక్ వేర్వేరు భాగస్వాములతో కలిసి గెలుపొందాడు. మెక్టిక్కు మాత్రం ఇదే తొలి గ్రాండ్స్లామ్. టోక్యో ఒలింపిక్స్లోనూ వీరిద్దరూ జంటగా బరిలోకి దిగనున్నారు.
ఇదీ చదవండి: Wimbledon: 20 కోసం జకో.. తొలి గ్రాండ్స్లామ్ దిశగా బెరిటిని
