ప్రముఖ టెన్నిస్ క్రీడాకారిణి విక్టోరియా అజరెంకా మాతృమూర్తులను ఉద్దేశించి కీలక సందేశాన్నిచ్చింది. సెరెనా విలియన్స్, తన లాంటి తల్లుల ప్రదర్శన.. ఎంతో మంది మహిళలకు తమ కలలను నెరవేర్చుకోవడానికి ప్రేరణగా నిలుస్తుందని చెప్పింది.
యూఎస్ ఓపెన్లో అజరెంకా 1-6, 6-3, 6-3తో విలియన్స్ను ఓడించి ఫైనల్కు చేరుకుంది. ఈ ప్రతిష్ఠాత్మక టోర్నీలో సెమీఫైనల్కు చేరుకున్న తొలి మాతృమూర్తులుగా వీరిద్దరు నిలిచారు.
ఈ సందర్భంగా అజరెంకా మాట్లాడుతూ.. ఓ తల్లిగా తనకు చాలా బాధ్యతలున్నాయని అయితే, టెన్నిస్ కోర్టులోకి అడుగుపెడితే.. ఫైటర్లా మారిపోతానని పేర్కొంది. తల్లిగా ఉండటం ఎంతో కష్టమైనప్పటికీ అన్నింటినీ సమతుల్యం చేసుకోగలిగితే ఏదైనా సాధించొచ్చని తెలిపింది.
శనివారం జరిగే ఫైనల్లో అజరెంకా 2018 యూఎస్ ఓపెన్ ఛాంపియన్ నవోమి ఒసాకాతో తలపడనుంది.
