తొలిసారి టీ20 ప్రపంచకప్ (T20 World Cup 2021) టైటిల్ గెలిచేందుకు అమీతుమీకి సిద్ధమయ్యాయి ఆస్ట్రేలియా-న్యూజిలాండ్. ఆదివారం జరుగుతున్న ఫైనల్లో టాస్ గెలిచిన ఆస్ట్రేలియా.. న్యూజిలాండ్ను (Australia vs New Zealand) బ్యాటింగ్కు ఆహ్వానించింది.
కివీస్ తొలిసారి పొట్టి కప్పులో తుది పోరు ఆడబోతుండగా.. ఆసీస్‌కిది రెండో ఫైనల్‌(AUS vs NZ Final). 2015 వన్డే ప్రపంచకప్ ఫైనల్లో ఆసీస్ చేతిలో ఓడిన కివీస్.. ఇప్పుడా జట్టుపై ప్రతీకారం తీర్చుకుని ఈ ఏడాది రెండో ఐసీసీ ట్రోఫీ అందుకోవాలని చూస్తోంది. ఇప్పటికే ప్రపంచ టెస్టు ఛాంపియన్‌గా నిలిచిన విలియమ్సన్ సేన.. అదే ఊపులో పొట్టి కప్పునూ పట్టేయాలనుకుంటోంది. 2010 ఫైనల్లో ఇంగ్లాండ్‌ చేతిలో ఓడిన ఆసీస్.. ఈ సారి మాత్రం ట్రోఫీని వదలకూడదనే పట్టుదలతో ఉంది.
ఆస్ట్రేలియా ఎలాంటి మార్పులు లేకుండానే బరిలోకి దిగుతోంది. కివీస్ జట్టులో గాయం కారణంగా కాన్వే తప్పుకోగా, అతడి స్థానంలో టిమ్ సీఫర్ట్ చేరాడు.
జట్లు:
న్యూజిలాండ్: మార్టిన్ గప్తిల్, డారిల్ మిచెల్, కేన్ విలియమ్సన్ (కెప్టెన్), టిమ్ సీఫర్ట్ (వికెట్ కీపర్), గ్లెన్ ఫిలిప్స్, జేమ్స్ నీషమ్, మిచెల్ సాంట్నర్, ఆడం మిల్నే, టిమ్ సౌథీ, ఇష్ సోధీ, ట్రెంట్ బౌల్ట్.
ఆస్ట్రేలియా: డేవిడ్ వార్నర్, ఆరోన్ ఫించ్ (కెప్టెన్), మిచెల్ మార్ష్, స్టీవ్ స్మిత్, గ్లెన్ మ్యాక్స్వెల్, మార్కస్ స్టోయినిస్, మ్యాథ్యూ వేడ్, ప్యాట్ కమిన్స్, మిచెల్ స్టార్క్, ఆండం జంపా, జోష్ హేజిల్వుడ్.
ఇదీ చూడండి: AUS vs NZ Final: మ్యాచ్ను మలుపుతిప్పే సమర్థులు వీరు!
