భారత స్టార్ బాక్సర్ విజేందర్ సింగ్.. ప్రొఫెషనల్ బాక్సింగ్లో తొలి ఓటమిని ఎదుర్కొన్నాడు. అంతకుముందు వరుసగా 12 మ్యాచ్ల్లో గెలిచిన విజేందర్.. శుక్రవారం రాత్రి జరిగిన బౌట్లో రష్యా బాక్సర్ లాప్సన్ చేతిలో పరాజయం పాలయ్యాడు.
గోవాలోని మెజెస్టిక్ క్యాసినో నౌకపైభాగంలో ఈ బౌట్ జరిగింది. సూపర్ మిడిల్ వెయిట్(76 కిలోలు)లో పోటీపడ్డారు. 8 రౌండ్ల గేమ్లో ఐదో రౌండ్లోనే విజేందర్ను నాకౌట్ చేశాడు లాప్సన్. అతడికి ఇది ఏడో బౌటే కావడం గమనార్హం.
వరుసగా 12..
2008 బీజింగ్ ఒలింపిక్స్లో కాంస్యపతకం సాధించిన విజేందర్.. 2015లో ప్రొఫెషనల్ బాక్సింగ్కు మారాడు. వరుసగా 12 విజయాలు నమోదుచేశాడు.
అయితే.. ఈ బౌట్కు ముందు లాప్సన్ చిన్న కుర్రాడేనని, అతడ్ని ఓడిస్తానని విశ్వాసం వ్యక్తం చేశాడు విజేందర్. కానీ ఓడాడు.
ఇదీ చూడండి: 2019 అక్టోబర్లోనే వుహాన్లో కరోనా ఆనవాళ్లు!
