French Open 2022 Winner: ఫ్రెంచ్ ఓపెన్ బ్యాడ్మింటన్‌ టైటిల్‌ను సాత్విక్ సాయిరాజ్-చిరాగ్‌శెట్టి జోడీ కైవసం చేసుకుంది. ఆదివారం జరిగిన ఫైనల్లో ఏడో సీడ్‌ సాత్విక్ జంట 21-13, 21-19తో లూ చింగ్‌ యో-యంగ్‌ పొ హన్‌ (తైవాన్‌)ని ఓడించింది. తొలి గేమ్‌ ఆరంభం నుంచే సాత్విక్ జోడీ దూకుడుగా ఆడింది. 7-1తో ఆధిక్యంలోకి వెళ్లిన భారత జంట ప్రత్యర్థి నుంచి కాస్త ప్రతిఘటన ఎదురైనా తగ్గలేదు. అదే జోరుతో గేమ్‌ గెలుచుకుంది.
రెండో గేమ్‌లో ప్రత్యర్థి జోడీ నుంచి భారత జంటకు గట్టిపోటీనే ఎదురైంది. ఒక దశలో సాత్విక్ జంట 7-4తో నిలిచినా లూ చింగ్‌ ద్వయం పుంజుకుంది. 19-17తో ఆధిక్యంలోకి కూడా వెళ్లింది. కానీ ఒత్తిడిని తట్టుకుంటూ వరుసగా నాలుగు పాయింట్లు సాధించిన సాత్విక్ జోడీ 21-19తో గేమ్‌తో పాటు మ్యాచ్‌ను సొంతం చేసుకుంది.
ఇవీ చదవండి : ఆ ఒక్కడుంటే టీమ్ ఇండియా ఫుల్ ఫిల్ అవుతుంది: కపిల్ దేవ్
'రక్షిస్తారనుకుంటే ఇలా చేశారేంటి?'.. టీమ్ఇండియా ఆటపై షోయబ్ అక్తర్
