దుబాయ్ వేదికగా జరుగుతోన్న ఆసియా బాక్సింగ్ ఛాంపియన్షిప్లో డిఫెండింగ్ ఛాంపియన్ పూజా రాణి(75 కిలోలు) వరుసగా విజేతగా నిలిచింది. ఆదివారం టోర్నీలో జరిగిన తుదిపోరులో మావ్లుడా మోవ్లోనోవా(ఉజ్బెకిస్థాన్)పై గెలుపొంది స్వర్ణ పతకాన్ని సొంతం చేసుకుంది. ఈ పతకంతో పాటు ఆమెకు రూ.7.23 లక్షల(10వేల డాలర్లు)ను బహుమానంగా ఇవ్వనున్నారు.
అయితే టోర్నీలో తొలిసారి పాల్గొన్న భారత బాక్సర్ లాల్బుయట్సైహి 64 కేజీల విభాగంలో రజతం సాధించింది. ఫైనల్లో మిలాన సాఫ్రనోవా(కజకిస్థాన్)కు గట్టిపోటీ ఇచ్చినప్పటికీ 2-3 తేడాతో ఓటమి చవిచూసింది. అంతకుముందు ప్రపంచ మాజీ ఛాంపియన్ మేరీ కోమ్ కూడా 51 కేజీల విభాగంలో రజత పతకాన్ని గెలుచుకుంది.
ఇదీ చూడండి: పసిడికి అడుగు దూరంలో భారత బాక్సర్లు
