బాక్సింగ్ ఫెడరేషన్ ఆఫ్ ఇండియా (బీఎఫ్ఐ)ను కాపాడాలని ప్రధాని నరేంద్రమోదీని కామన్వెల్త్ గేమ్స్ స్వర్ణ విజేత బాక్సర్ మనోజ్ కుమార్ కోరారు. బాక్సింగ్ ఫెడరేషన్ను క్రీడా మంత్రిత్వశాఖ విస్మరిస్తుందని మోదీకి లేఖలో వివరించారు. దిల్లీ హైకోర్టు ఆదేశాల మేరకు డిసెంబరు 31లోగా బాక్సింగ్ ఫెడరేషన్ ఆఫీస్-బేరర్ల ఎన్నికలను నిర్వహించాలనే ఆదేశాన్ని లేవనెత్తాడు.
అయితే ప్రధాని మోదీకి లేఖ రాయడం పట్ల బాక్సర్ మనోజ్ కుమార్ బుధవారం వివరణ ఇచ్చారు.
"ఫెడరేషన్ ఎన్నికల నోటిఫికేషన్ ఇప్పటికే విడుదలవ్వగా.. దానికి సంబంధించిన ప్రక్రియ ఇప్పటికే ప్రారంభమైంది. రిటర్నింగ్ ఆఫీసర్ కూడా విధులు నిర్వర్తిస్తున్నారు. అశిష్ షెలార్ వంటి బలమైన అభ్యర్థి అధ్యక్ష పదవికి పోటీ చేయడానికి నామినేషన్ దాఖలు చేసినట్లు తెలుసుకున్న బీఎఫ్ఐ అధ్యక్షుడు అజయ్సింగ్ ఎన్నికను వాయిదా వేస్తూ వచ్చారు. ఎన్నికల ప్రక్రియ మొదలైన తర్వాత జోక్యం చేసుకునే హక్కు అజయ్కు లేదు. వాయిదా వేయాలని ఏకపక్ష నిర్ణయాన్ని తీసుకున్నారు. బీఎఫ్ఐ అధ్యక్షుడిగా పూర్తిగా విఫల్యమయ్యారు".
- మనోజ్ కుమార్, బాక్సర్
బీఎఫ్ఐ అధ్యక్ష పదవి ఎన్నిక వాయిదా వేస్తున్న ప్రక్రియను తప్పుబట్టారు. "కరోనా సమయంలోనే బిహార్, హైదరాబాద్లో ఎన్నికలు నిర్వహించారు. మనం ఎందుకు అలా చేయలేమని" మనోజ్ ప్రశ్నించాడు.
