జార్జ్ ఫ్లాయిడ్ మృతి పట్ల నిరసనలతో అగ్రరాజ్యం అమెరికా అట్టుడికిపోతోంది. ఈ క్రమంలో పోరాటం చేస్తున్న వారికి అండగా నిలిచాడు అమెరికన్ బాస్కెట్బాల్ క్రీడాకారుడు మైకేల్ జోర్డాన్. సమానత్వం, సామాజిక న్యాయం, విద్య తదితర అంశాల కోసం రానున్న పదేళ్ల పాటు దాదాపు 100 మిలియన్ యూఎస్ డాలర్లు ఖర్చు పెట్టనున్నట్లు చెప్పాడు జోర్డాన్. ఈ మేరకు ఓ ప్రకటనను చేశాడు.
"నల్లజాతీయుల కోసం పనిచేసే పలు సంస్థలకు రానున్న పదేళ్ల పాటు 100 మిలియన్ డాలర్లు అందించనున్నాం. జాతి సమానత్వం, సామాజిక న్యాయం, విద్య తదితర విషయాల్లో భాగంగా ఈ మొత్తాన్ని వినియోగించనున్నారు" -మైకేల్ జోర్డాన్, బాస్కెట్బాల్ ప్లేయర్
అమెరికన్ దిగ్గజ బాస్కెట్బాల్ క్రీడాకారుడు మైకేల్ జోర్డాన్
అంతకు ముందు జార్జ్ ఫ్లాయిడ్ మృతి పట్ల స్పందించిన మైకేల్ జోర్డాన్.. దీంతో తాను చాలా బాధకు గురయ్యానని చెప్పాడు. జాత్యంహకారానికి వ్యతిరేకంగా ప్రస్తుతం పోరాటం చేస్తున్న వారికి అండగా ఉంటానని తెలిపాడు.
ఇది చదవండి:
