Sindhu Malaysia Open: ఇటీవల ఇండోనేసియా ఓపెన్లో తొలి రౌండ్లోనే వెనుదిరిగిన భారత స్టార్ షట్లర్ పీవీ సింధు.. మలేసియా ఓపెన్లో అదరగొడుతోంది. గురువారం జరిగిన ప్రిక్వార్టర్స్లో పిటయ్పోర్న్ చైవాన్పై (థాయ్లాండ్) 19-21, 21-9, 21-14 తేడాతో గెలిచింది. తొలి గేమ్లో ఓడినా.. తర్వాతి రెండు గేమ్ల్లో ఆధిక్యంతో క్వార్టర్స్ చేరింది. ఒలింపిక్స్లో రెండు సార్లు పతకాలు గెల్చిన సింధు.. క్వార్టర్ ఫైనల్లో తైవాన్ బ్యాడ్మింటన్ క్రీడాకారిణి తై-జు- యింగ్తో అమీతుమీ తేల్చుకోనుంది.
పురుషుల సింగిల్స్లో హెచ్ఎస్ ప్రణయ్ కూడా క్వార్టర్స్లోకి ప్రవేశించాడు. ప్రపంచ నెం.4 షట్లర్, చైనీస్ తైపీ ఆటగాడు చౌ టియన్-చెన్ను 21-15, 21-17 తేడాతో వరుస సెట్లలో ఓడించాడు. మరోవైపు సింగిల్స్లో పారుపల్లి కశ్యప్, పురుషుల డబుల్స్లో సాత్విక్ సాయిరాజ్- చిరాగ్ శెట్టి జోడీ కూడా గురువారం ప్రిక్వార్టర్స్ మ్యాచ్లు ఆడనున్నారు.
ఇవీ చూడండి: IND VS ENG: ఇంతకీ రోహిత్ ఆడతాడా లేదా?
