ప్రపంచ బాక్సింగ్ ఛాంపియన్షిప్లో భారత స్టార్ బాక్సర్ మేరీ కోమ్ పతకం ఖరారు చేసుకుంది. రష్యా ఉలాన్ ఉద్ వేదికగా జరుగుతున్న ఈ టోర్నీలో కొలంబియాకు చెందిన వెలెన్సియా విక్టోరియాపై విజయం సాధించి సెమీస్ చేరింది.
51 కిలోల విభాగంలో బరిలో దిగిన మేరీ.. క్వార్టర్స్లో 5-0 తేడాతో ప్రత్యర్థిపై పంచ్లు వర్షం కురిపించి మ్యాచ్ సొంతం చేసుకుంది. ఈ గెలుపుతో ఈ టోర్నీలో ఎక్కువ విజయాలు సాధించిన బాక్సర్గా చరిత్ర సృష్టించింది.
"పతకాన్ని ఖరారు చేసుకున్నందుకు ఆనందంగా ఉంది. కానీ ప్రస్తుతం నా దృష్టి ఫైనల్పైనే ఉంది. ప్రదర్శనను ఇంకా మెరుగుపరచుకొని సెమీస్, తుదిపోరులోనూ సత్తాచాటుతా" -మేరీ కోమ్, భారత బాక్సర్
మేరీ ఖాతాలో 8వ పతకం ..
ప్రపంచ బాక్సింగ్ ఛాంపియన్షిప్లో ఇప్పటివరకు 7 పతకాలు(ఆరు స్వర్ణాలు, ఒక రజతం) గెలిచిన మేరీ కోమ్... ఈ విజయంతో 8వ మెడల్ ఖరారు చేసుకుంది.
పంచ్ ధాటికి పతకాలు క్యూ..
ఇవే కాకుండా 2012 లండన్ ఒలింపిక్స్లో కాంస్యం.. కామన్వెల్త్, ఆసియా క్రీడల్లో స్వర్ణాలు ఆమె ఖాతాలో ఉన్నాయి. ఈ ఏడాది ఇండియా ఓపెన్, ఇండోనేసియాలో జరిగిన ప్రెసిడెన్షియల్కప్లోనూ పసిడి పతకాలు కైవసం చేసుకుంది మేరీ.
ఇదీ చదవండి: రెండేళ్లు దాటినా.. బాహుబలి రికార్డు బద్దలు కాలేదు!
