ఐపీఎల్ వచ్చిన తర్వాత మిగతా క్రీడల్లోనూ ఈ తరహా విధానాన్ని అనుసరిస్తున్నారు. ఫుట్బాల్, బ్యాడ్మింటన్, కబడ్డీ... ఇలా ఆయా బోర్డులు ఐపీఎల్ పంథానే ఎంచుకున్నాయి. తాజాగా ఈ జాబితాలోకి ఖోఖో చేరింది. 'అల్టిమేట్ ఖోఖో' పేరుతో మంగళవారం లీగ్ను ఆవిష్కరించింది 'భారత ఖోఖో ఫెడరేషన్' (కేకేఎఫ్ఐ).
21 రోజుల పాటు ఈ లీగ్ ఉంటుంది. 8 ఫ్రాంఛైజీ జట్లు డబుల్ రౌండ్ రాబిన్ ఫార్మాట్ (ఒక్కో జట్టు మరో టీమ్తో రెండు సార్లు తలపడుతుంది)లో మొత్తం 60 మ్యాచ్లు ఆడునున్నాయి. ప్రపంచ వ్యాప్తంగా ఉన్న క్రీడాకారులను ఈ లీగ్లో కోనుగోలు చేసి తమ ఫ్రాంఛైజీల తరఫున ఆడించుకోవచ్చు.
"2017లో ఖోఖో ఫెడరేషన్కు అధ్యక్షుడిగా ఉన్నప్పుడే ఖోఖో లీగ్ని ఏర్పాటు చేయాలని అనుకున్నాను. ఈ క్రీడకు సరైన వ్యవస్థను రూపొందించి.. దేశీయ ఆట గొప్పతనాన్ని మన వాళ్లకు చాటిచెప్పాలనుకున్నాం" -రాజీవ్ మెహతా, ఖోఖో ఫెడరేషన్ ఛైర్మెన్
అండర్-18 క్రీడాకారులకు కూడా ఇందులో అవకాశం కల్పించనున్నారు. యువ ఆటగాళ్లను ప్రోత్సహించనుంది ఫెడరేషన్. ప్రతి జట్టు 12 మంది క్రీడాకారులతో బరిలో దిగనుంది. ఈ క్రీడలో తొమ్మిది మంది మైదానంలో ఆడతారు.. ముగ్గురు బెంచ్పై ఉంటారు.
