Sania mirza Sania mirza: అమెరికాలో జరిగిన చార్ల్స్టన్ ఓపెన్ డబ్ల్యూటీఏ టెన్నిస్ టోర్నీ మహిళల డబుల్స్లో సానియా మీర్జా జోడీకి నిరాశే ఎదురైంది. ఫైనల్లో సానియా(భారత్)-లూసీ హర్డెకా(చెక్ రిపబ్లిక్) జోడీ సూపర్ ట్రైబ్రేక్లో నాలుగో సీడ్ మాగ్దా లినెట్(పొలాండ్)- ఆండ్రేజా క్లెపాచ్(స్లొవేనియా) ద్వయం చేతిలో ఓడిపోయి రన్నరప్గా నిలిచింది. దీంతో ఓడిపోయిన ఈ జోడీకి సుమారు 26వేల డాలర్లు ప్రైజ్మనీ లభించనుంది.
డబ్ల్యూటీఏ 500 ఈవెంట్ ఫైనల్ సుమారు 2 గంటల 35 నిమిషాల పాటు సాగింది. హోరాహోరీ పోరులో 6-2, 4-6, 10-7 పాయింట్ల తేడాతో సానియా మిర్జా ద్వయం పరాజయం పాలైంది. అంతకు ముందు సెమీఫైనల్లో టాప్ సీడ్ జాంగ్ షూయ్-కారోలిన్ డెలెహైడ్ జోడీపై 2-6, 6-4,8-10 పాయింట్లతో ఫైనల్కు దూసుకెళ్లింది. కాగా, సుదీర్ఘ ప్రయాణం తర్వాత టెన్నిస్‌కు వీడ్కోలు పలుకుతున్నట్లు సానియా ఇటీవలే ప్రకటించింది. తన కెరీర్‌లో ఇదే చివరి సీజన్‌ అని.. 2022 చివరి నాటికి వీడ్కోలు పలుకుతున్నట్లు చెప్పింది.
ఇదీ చూడండి: కెరీర్పై సానియా మీర్జా కీలక నిర్ణయం!
