భారత ప్రొఫెషనల్‌ బాక్సర్ విజేందర్ సింగ్‌ అమెరికా గడ్డపై కాస్త ఆలస్యంగా అడుగు పెట్టనున్నాడు. గతంలో ప్రకటించిన షెడ్యూల్‌ ప్రకారం ఏప్రిల్ 12న విజేందర్ బౌట్‌లో పాల్గొనాల్సి ఉంది. అయితే ప్రాక్టీస్ సెషన్‌లో ఎడమ కంటికి గాయం అయింది. అందుకే మ్యాచ్లో ఆడలేకపోతున్నట్టు వెల్లడించాడు.
' నా అభిమానులకు చేదు కబురు. స్పారింగ్ సెషన్(ప్రాక్టీస్ )లో నా ఎడమ కంటికి గాయమైంది. ఆరు కుట్లు వేశారు. అందుకే ఏప్రిల్ 12న అమెరికాలోని లాస్ఏంజెల్స్లో జరగాల్సిన మ్యాచ్లో ఆడలేకపోతున్నాను.'
-- విజేందర్, భారత బాక్సర్
2015లో ప్రొఫెషనల్‌ బాక్సర్ అవతారమెత్తిన విజేందర్ ఇప్పటివరకు 10 బౌట్‌లలో పోటీపడి అన్నింట్లోనూ విజయం సాధించాడు.
