కరోనా మహమ్మారిని అరికట్టేందుకు సెలబ్రిటీలు, క్రీడాకారులు, అథ్లెట్లు పలు రకాలుగా సాయం చేస్తున్నారు. కొందరు డబ్బులను విరాళమిస్తుండగా, యూకే బాక్సర్ ఆమిర్ఖాన్ ఏకంగా తన నాలుగు అంతస్తుల భవంతి ఇవ్వాలని నిర్ణయించాడు. అందులో వైద్యం అందించేందుకు అనువుగా ఉంటుందని చెబుతూ ట్వీట్ చేశాడు.
"వైరస్ వ్యాపిస్తున్న ఈ సమయంలో ఆసుపత్రిల్లో మంచం దొరకడం కష్టమైపోతుంది. 60 వేల చదరపు అడుగులు ఉన్న నాలుగు అంతస్తుల నా భవంతిని, నేషనల్ హెల్త్ సర్వీస్(ఎన్హెచ్ఎస్)కు ఇవ్వాలని అనుకుంటున్నాను. ఇందులో పెళ్లి మండపం, రిటైల్ ఔట్లెట్ ఉన్నాయి" -ట్విట్టర్లో బాక్సర్ ఆమిర్ ఖాన్
లైట్ వెల్టర్ వెయిట్ విభాగంలో ఆమిర్ ఖాన్ మాజీ ఛాంపియన్. 2009 నుంచి 2012 వరకు ప్రపంచ బాక్సింగ్ అసోసియేషన్ విజేతగా ఉన్నాడు.
అంతకు ముందు యూకే ప్రధానమంత్రి బోరిస్ జాన్సన్ మాట్లాడుతూ కరోనా వ్యాప్తి నేపథ్యంలో ప్రజలు, మూడు వారాల పాటు ఇళ్ల నుంచి బయటకు రావొద్దని సూచించారు.
