Badminton World Championships satwik sairaj chirag shetty టోక్యోలో జరుగుతున్న ప్రపంచ బ్యాడ్మింటన్ ఛాంపియన్‌షిప్‌ టోర్నీ డబుల్స్‌ విభాగంలో భారత్‌ పోరాటం ముగిసింది. సాత్విక్ సాయిరాజ్-చిరాగ్‌శెట్టి జోడీ కాంస్య పతకంతో సరిపెట్టుకున్నారు. సెమీఫైనల్లో మలేసియా జోడీ వూయ్‌ యిక్‌- ఆరోన్‌ చియా చేతిలో 20-22, 21-18, 21-16 తేడాతో పరాజయం పాలయ్యారు.77 నిమిషాల పాటు సాగిన హోరాహోరీ సెమీస్‌ పోరులో.. 22-20తో తొలి గేమ్‌ నెగ్గిన సాత్విక్ - చిరాగ్ జోడీ ఆ తర్వాత 18-26, 16-21తో వరుసగా రెండు గేమ్‌లు కోల్పోయింది. దీంతో కాంస్య పతకంతో టోర్నీని ముగించింది. కాగా.. మలేసియా ద్వయం చేతిలో సాత్విక్ - చిరాగ్ జోడీకి వరుసగా ఇది ఆరో ఓటమి.
అయితే సెమీస్‌లో ఓటమిపాలైనప్పటికీ.. ప్రపంచ ఛాంపియన్షిప్లో ఈ జోడీ అద్భుత ప్రదర్శన చేసింది. దాదాపు 11 ఏళ్ల తర్వాత ఈ టోర్నీలో డబుల్స్‌ విభాగంలో భారత్‌కు పతకం దక్కింది. ప్రపంచ ఛాంపియన్‌షిప్‌ డబుల్స్‌లో భారత్‌కు ఇది రెండో పతకం కాగా.. పురుషుల విభాగంలో మొదటిది. అంతకుముందు 2011లో మహిళల డబుల్స్‌ విభాగంలో గుత్తా జ్వాల - అశ్విని పొన్నప్ప జోడీ కాంస్యం
ఇదీ చూడండి: పాక్ పేసర్తో కింగ్ కోహ్లీ చిట్చాట్, ఫామ్లోకి రావాలంటూ ఆకాంక్షించిన బౌలర్
