ప్రతిష్ఠాత్మక ఆస్ట్రేలియన్‌ ఓపెన్‌ 2023 మహిళల గ్రాండ్స్లామ్ అరినా సబలెంకా విజయంతో అట్టహాసంగా ముగిసింది. శనివారం జరిగిన ఫైనల్స్లో బెలారస్‌కు చెందిన వరల్డ్‌ రెండో ర్యాంకర్‌ సబలెంకా.. కజకిస్తాన్‌కు చెందిన పదో ర్యాంకర్‌ రిబాకినాతో 4-6, 6-3,6-4 తేడాతో గెలిచింది. అలా సబలెంకాకు తన కెరీర్లోని తొలి గ్రాండ్స్లామ్ను ముద్దాడింది.
తొలిసెట్‌లో రిబాకినాతో ఆడిన సబలెంకా 4-6 తేడాతో ఓడిపోయింది. అయితే రెండో సెట్‌లో వేగాన్ని ఫుంజుకున్న బెలరాస్ స్టార్ బలమైన సర్వీస్‌ షాట్లు, ఫోర్‌హ్యాండ్‌, బ్యాక్‌హ్యాండ్‌ షాట్లతో నెట్లో విజృంభించింది.. దీంతో 6-3 తేడాతో రెండో సెట్‌లో గెలుపొందింది. ఇక మూడో సెట్‌లో 6-4తో మ్యాచ్‌ను కైవసం చేసుకొని విజేతగా నిలిచింది.
