ఒలింపిక్స్ టెస్ట్​ ఈవెంట్​లో దీపికకు రజతం

భారత ప్రముఖ ఆర్చరీ క్రీడాకారిణి దీపిక కుమారి ఒలింపిక్స్ టెస్ట్​ ఈవెంట్​లో​ వెండి పతకం సొంతం చేసుకుంది. టోక్యో ఒలింపిక్స్​ కోసం జరిగిన ఈ అర్హత పరీక్ష ఫైనల్​లో నిరాశపరిచిందీ రాంచీ స్టార్​.​ కొరియన్​ క్రీడాకారిణి ఆన్​సాన్​పై చేతిలో ఓటమిపాలై రెండో స్థానం​తోనే సరిపెట్టుకోవాల్సి వచ్చింది.

భారత మహిళా ఆర్చర్​ దీపిక కుమారి టోక్యో ఒలింపిక్స్​ కోసం బుధవారం జరిగిన టెస్ట్​ ఈవెంట్​లో కాంస్య పతకం గెలుచుకొంది. రెండో సీడ్​ 18 ఏళ్ల కొరియన్​ అమ్మాయి ఆన్​సాన్​పై వరుస సెట్లలో 6-0తో పరాజయం పాలైంది నాలుగో ర్యాంకర్​ దీపిక. ఫైనల్లో దీపికను ఓడించిన ఆన్​సాన్​ పసిడి సొంతం చేసుకొంది. మూడో స్థానంలో నిలిచిన తైవాన్​ ప్లేయర్​ 'టాన్​ యా టింగ్​' కాంస్య పతకంతో సరిపెట్టుకుంది.

వెండి పతకంతో దీపిక( ఎడమ నుంచి మొదటి వ్యక్తి)

" ఫైనల్లో అనుకున్నట్లే రాణించినా ఆన్​సాన్​ను అందుకోలేకపోయా. ఆటలో పరిణితి సాధించడమే మెరుగైన స్కోరు సంపాదించేందుకు ఉపయోగపడింది. ఈ ఓటమి నాకు మరింత అనుభవం నేర్పింది. నేను మరింత నేర్చుకునేందుకు ప్రయత్నిస్తాను. కచ్చితంగా టోక్యో ఒలింపిక్స్​లో సత్తా చాటతాను".
-- దీపిక కుమారి, భారత ఆర్చరీ క్రీడాకారిణి

భారత మహిళల ఆర్చరీ జట్టు ఈ టెస్ట్​ ఈవెంట్​లో బాగా నిరాశపరిచింది. ఒక్కరూ అనుకున్న స్థాయిలో రాణించలేదు. ఫలితంగా వచ్చే ఏడాది జరగనున్న ఒలింపిక్స్​కు అర్హత సాధించేందుకు మరింత కఠోర సాధన చేయాల్సి ఉంది. దీనిపైనా దీపిక మాట్లాడింది.

దీపిక కుమారి

" ఇక్కడ ప్రదర్శించిన ఆటతీరును మరింత మెరుగుపరుచుకుంటే కచ్చితంగా ఆర్చరీ జట్టులోని వారంతా ఒలింపిక్స్​కు అర్హత సాధిస్తాం" అని ధీమా వ్యక్తం చేసిందీ మాజీ ప్రపంచ నెంబర్​1.

ప్రస్తుతం 'రెడీ... స్టెడీ... టోక్యో టెస్ట్'​ పేరుతో జులై 11 నుంచి జులై 18 వరకు ఈ ఆటలు జరుగుతున్నాయి. 2020 టోక్యోలో జరగనున్న ఒలింపిక్స్​​, పారా ఒలింపిక్స్​కు ముందు జరుగుతున్న పెద్ద అంతర్జాతీయ టోర్నీ ఇదే.

గతంలో 2010 కామన్వెల్త్‌ క్రీడల్లో పసిడి సహా ప్రపంచ ఆర్చరీ వరల్డ్​కప్​లో 7 సార్లు ఫైనల్​ చేరి... 3 బంగారం, 3 వెండి పతకాలు దేశానికి అందించింది. 2011, 2015లో జరిగిన ప్రపంచ ఆర్చరీ ఛాంపియన్​షిప్​ల్లో 2 వెండి పతకాలు సాధించిందీ టాప్​ టార్చర్​.

ఆసియా ఛాంపియన్​షిప్​లో సత్తా చాటాల్సిందే...

కోటాలో ఒలింపిక్స్​కు అర్హత సాధించలేకపోయింది భారత మహిళా ఆర్చరీ జట్టు. టాప్​ ఆర్చరీ క్రీడాకారిణి బొంబ్యాల దేవి రెండో రౌండ్​లో మలేషియా అమ్మాయి నూర్​ అలియా చేతిలో ఓటమిపాలైంది. చివరి వరకు పోరాడినా టై బ్రేకర్​లో ప్రత్యర్థి విజయం సాధించింది. కోమలికా తొలి రౌండ్​లోనే ఇంటిముఖం పట్టింది.

పురుషుల క్యాటగిరీలో భారత స్టార్​ ఆర్చరీ క్రీడాకారుడు అతను దాస్​ రెండో రౌండ్​లో కొరియా ఆటగాడు బే జెహ్యోన్​పై 4-6తో ఓటమిపాలయ్యాడు. తరుణ్​దీప్​, ప్రవీణ్​ జాదవ్​ ద్వయం తొలిరౌండ్​లోనే నిరాశపరిచారు.

నవంబర్​ 21 నుంచి 29 వరకు బ్యాంకాక్​లో జరగనున్న ఆసియా ఛాంపియన్​షిప్​లో విజయం సాధిస్తే వీరందరికీ 2020 టోక్యో ఒలింపిక్స్​కు అర్హత లభిస్తుంది.