'లెజెండ్స్​ ఆఫ్​ చెస్'​ టోర్నీకి విశ్వనాథన్​ రెడీ​

లెజెండ్స్​ ఆఫ్​ చెస్​ పోటీల్లో ప్రపంచ మాజీ ఛాంపియన్​ విశ్వనాథన్​ ఆనంద్​ బరిలో దిగనున్నారు. మంగళవారం నుంచి ప్రారంభం కానున్న ఈ టోర్నీలో తొలి రౌండ్లో రష్యాకు చెందిన పీటర్​ స్విద్లెర్​తో ఆనంద్​ తలపడనున్నారు.

ప్రపంచ మాజీ ఛాంపియన్​ విశ్వనాథన్​ ఆనంద్​ 'లెజెండ్స్​ ఆఫ్​ చెస్​' టోర్నీలో బరిలోకి దిగనున్నారు. మంగళవారం ప్రారంభంకానున్న ఈ పోటీల్లో తొలి రౌండ్లో పీటర్​ స్విద్లెర్​ (రష్యా)తో ఆనంద్​ తలపడనున్నారు. మాగ్నస్​ కార్ల్​సన్​ చెస్​ టూర్​లో భాగంగా ఈ పోటీని నిర్వహిస్తున్నారు. రౌండ్​ రాబిన్​ లీగ్​ పద్ధతిలో ఆన్​లైన్​లో పోటీలు జరుగుతాయి.

ప్రపంచ ఛాంపియన్​ కార్ల్​సన్​ (నార్వే), వ్లాదిమిర్​ క్రామ్నిక్​, అనీశ్​ గిరి, పీటర్​ లెకో, ఇయాన్​ నెపోమచి, బోరిస్​ గెల్ఫాండ్​, డింగ్​ లిరెన్​, వాసిల్​ ఇవాంచుక్​లు లెజెండ్స్​ ఆఫ్​ చెస్​ బరిలో ఉన్నారు. ఈ టోర్నీ విజేత ఆగస్టు 9 నుంచి 20 వరకు జరిగే గ్రాండ్​ ఫైనల్​కు అర్హత సాధిస్తాడు. ఇప్పటికే కార్ల్​సన్​, డానిల్​ దుబోవ్​ (రష్యా) ఫైనల్​ టోర్నీ బెర్తులు ఖాయం చేసుకున్నారు.