జ‌పాన్‌లోని హిరోషిమాలో జరిగిన మహిళా హాకీ సిరీస్ ఎఫ్ఐహెచ్ ఫైనల్స్లో భారత హాకీ జట్టు జపాన్పై విజయం సాధించింది. ఆదివారం జరిగిన ఫైనల్ మ్యాచ్‌లో భారత్ 3-1 గోల్స్ తేడాతో బ‌ల‌మైన జపాన్ జ‌ట్టును ఓడించింది.
ఆట ఆరంభ‌మైన 3వ నిమిషంలోనే భారత కెప్టెన్ రాణి గోల్ చేసింది. అయితే 11వ నిమిషంలో జపాన్ గోల్ చేసి స్కోరు సమం చేసింది. 45, 60వ నిమిషంలో గుర్జిత్ కౌర్ మెరుపులాంటి గోల్స్ కొట్టి భారత్కు తిరుగులేని విజయాన్నిచ్చింది. కెప్టెన్ రాణి టోర్నీలో ఉత్తమ ప్లేయర్ అవార్డు గెలుచుకుంది.
ఈ టోర్నీ ఫైనల్కు చేరినప్పుడే ఒలింపిక్స్ క్వాలిఫయర్స్‌ బెర్త్‌ను సుస్థిరం చేసుకుంది భారత మహిళా జట్టు.
అధ్భుత విజయం...
భారత హాకీ మహిళల జట్టు విజయంపై ప్రధాని నరేంద్రం మోదీ హర్షం వ్యక్తం చేశారు. జట్టుకు అభినందనలు తెలిపారు.
