పురుషుల జట్టులో ఏకైక మహిళా ప్లేయర్​

హయబూస ఎలెవన్​ పురుషుల జట్టులో ఆ దేశ క్రీడాకారిణి యువి నగాసతొ ఆడనుంది. ఆ జట్టుకు ఆడనున్న తొలి మహిళా ప్లేయర్​గా చరిత్ర సృష్టించింది.

ఏ క్రీడల్లోనైనా అమ్మాయిలకు, అబ్బాయిలకు వేర్వేరుగా పోటీలుంటాయి. ప్రాక్టీస్​ సందర్భంగా అప్పుడప్పుడు కలిసి ఆడినప్పటికీ పురుషుల మ్యాచ్​ల్లో మహిళలను చూడడం అసాధ్యమే. కానీ, దాన్ని అందుకునే దిశగా జపాన్​ ఫుట్​బాల్​ దిగ్గజం యుకి నగాసతొ అడుగు వేసింది. ఆటల్లో లింగ సమానత్వం కోసం పోరాడుతున్న అమెరికా ఫుట్​బాల్​ క్రీడాకారిణి మెగాన్​ మాటలను స్ఫూర్తిగా తీసుకున్న యుకి.. పురుషుల జట్టులో చేరింది.

"ప్రపంచకప్​లో లింగ భేదం గురించి మెగాన్​ చెప్పిన మాటలు నన్ను ప్రభావితం చేశాయి. పురుషుల జట్టులో అమ్మాయి కూడా ఆడగలదు అని నిరూపించేందుకే ఈ ప్రయత్నం చేస్తున్నా"

- యుకి నగాసతొ, జపాన్​ ఫుట్​బాల్​ క్రీడాకారిణి

తన దేశానికి చెందిన హయబూస ఎలెవన్​ జట్టు తరపున కనగావ ప్రాంతీయ లీగ్​లో ఆడనుంది. ఆ జట్టు తరపున ఆడబోతున్న తొలి మహిళా క్రీడాకారిణిగా ఆమె చరిత్ర సృష్టించింది. తన అన్న జెంకీ కూడా అదే జట్టులో ఉండడం విశేషం. 2011 మహిళల ఫిఫా ప్రపంచకప్​ గెలిచిన జట్టులో 31 ఏళ్ల యుకి సభ్యురాలు. అమెరికా జాతీయ మహిళల ప్రొఫెషనల్​ ఫుట్​బాల్​ లీగ్​లో చికాగో రెడ్​స్టార్స్​ తరపున ఆడింది.