పద్మశ్రీకి విజయన్‌ పేరు సిఫార్సు

భారత ఫుట్​బాల్​ జట్టు మాజీ కెప్టెన్​ ఐ.ఎం. విజయన్​ పేరును పద్మశ్రీకి సిఫార్సు చేసింది అఖిల భారత ఫుట్​బాల్​ సమాఖ్య. ఈ మేరకు అతడి పేరును కేంద్ర హోంశాఖకు పంపినట్లు అధికారులు తెలిపారు.

భారత ఫుట్‌బాల్‌ జట్టు మాజీ కెప్టెన్‌ ఐ.ఎం.విజయన్‌ పేరును అఖిల భారత ఫుట్‌బాల్‌ సమాఖ్య పద్మశ్రీ పురస్కారానికి సిఫార్సు చేసింది. కేంద్ర హోం శాఖకు అతడి పేరును పంపించినట్లు ఏఐఎఫ్‌ఎఫ్‌ కార్యదర్శి కుశాల్‌ దాస్‌ వెల్లడించారు.

51 ఏళ్ల విజయన్‌ భారత్‌ తరఫున 79 మ్యాచ్‌ల్లో 40 గోల్స్‌ సాధించాడు. 2003లో అర్జున అవార్డు అందుకున్న విజయన్‌.. 1993, 1997, 1999లలో 'ఇండియన్‌ ప్లేయర్‌ ఆఫ్‌ ద ఇయర్‌' పురస్కారాలు గెలుచుకున్నాడు. 2000 నుంచి 2003 వరకు భారత జట్టుకు సారథ్యం వహించాడు.