బిహార్కు చెందిన జాతీయ మహిళా ఫుట్బాల్ క్రీడాకారిణి మోనీ కుమారికి.. కరోనా కారణంగా కష్టాలు మొదలయ్యాయి. ఈ మహమ్మారి వల్ల తన కుటుంబం ఆర్థిక ఇబ్బందులు ఎదుర్కొంటోంది. ఫలితంగా తండ్రితో కలిసి నార్కటియాగంజ్ రైల్వేస్టేషన్ సమీపంలో ఓ చెరువు ఒడ్డున బట్టలు ఉతుకుతూ జీవనం సాగిస్తోంది.
మోని కుమారి
ఆల్ ఇండియా ఉమెన్స్ ఫుట్బాల్కు రెండు సార్లు మోనీ ప్రాతినిధ్యం వహించింది. ఇంతటి కష్టకాలంలోనూ ఆటను వదలనంటోంది కుమారి. రోజూ ప్రాక్టీస్ కోసం సమయం కేటాయించడం మర్చిపోలేదని తెలిపింది.
ప్రభుత్వం స్పందించి తన కుమార్తెకు ఉద్యోగం ఇప్పించాలని మోనీ తండ్రి కోరాడు. తద్వారా ఈ వృత్తిని మానేసి.. ఆటపై మరింత దృష్టిపెట్టేందుకు ఆస్కారం ఉంటుందని వెల్లడించాడు. కొవిడ్ విజృంభణ సమయంలో పరిశుభ్రత కీలక పాత్ర పోషిస్తుందని మోనీ సూచించింది.
