స్పానిష్ లీగ్(లాలిగా) భాగంగా బార్సిలోనా జట్టు చివరి మ్యాచ్కు స్టార్ ఆటగాడు లియోనల్ మెస్సీ దూరం కానున్నాడు. దీంతో కోపా అమెరికా సీజన్కు ముందు మెస్సీకి మరికొంత అదనపు విశ్రాంతి లభించనుంది. నామమాత్రమైన చివరి మ్యాచ్లో అతడు అందుబాటులో ఉండడని బార్సిలోనా జట్టు ప్రకటించింది.
తాజా సీజన్తో బార్సిలోనా జట్టుతో మెస్సీ కాంట్రాక్టు ముగుస్తుంది. తర్వాతి ఏడాది కోసం అతడు అందుబాటులో ఉండేది.. లేనిది స్పష్టం చేయలేదు. కెరీర్ ఆరంభం నుంచి బార్సిలోనాకు ఆడాడు మెస్సీ. బార్సిలోనా విధివిధానాలు నచ్చకపోవడం వల్ల 2019-20 సీజన్లోనే బార్సిలోనా నుంచి వైదొలగాలని మెస్సీ భావించాడు.
ఇక స్పానిష్ లీగ్లో అట్లెటికో మాడ్రిడ్ అగ్రస్థానంలో కొనసాగుతుండగా.. రెండో స్థానంలో రియల్ మాడ్రిడ్ జట్టు ఉంది. బార్సిలోనా మూడో స్థానంలో.. సెవిల్లా నాలుగో స్థానంలో నిలిచాయి.
కాగా, కోపా అమెరికా ఫుట్బాల్ ఛాంపియన్షిప్ జూన్ 13 నుంచి ప్రారంభం కానుంది. అర్జెంటీనా తొలి మ్యాచ్లో చిలీతో తలపడనుంది.
ఇదీ చదవండి: 'జపాన్లో ఎమర్జెన్సీ పెట్టినా.. ఒలింపిక్స్ ఆగదు'
