లాలిగా టోర్నీలో బార్సిలోనా తరఫున 500 మ్యాచ్లు పూర్తి చేసుకున్నాడు అర్జెంటీనా స్టార్ ఫుట్బాలర్ లియోనల్ మెస్సీ. అన్ని లీగ్లలో కలిపి బార్కా తరఫున అతడు 750 మ్యాచ్లు ఆడాడు. లాలిగాలో ఆదివారం హ్యూస్కాతో జరిగిన పోరులో ఈ ఘనత సాధించాడు.
లాలిగా టోర్నీలో బార్సిలోనా తరఫున 500 మ్యచ్లు ఆడినవారిలో మెస్సీ రెండోవాడు మాత్రమే. స్పెయిన్ బయట జన్మించిన వారిలో అతడే మొదటివాడు. అన్ని లీగ్లలో బార్సిలోనా తరఫున 767 మ్యాచ్లతో జావీ (స్పెయిన్).. మెస్సీ కంటే ముందున్నాడు.
క్లబ్ మేనేజ్మెంట్తో విభేదాల కారణంగా మెస్సీ గతేడాది బార్సిలోనాకు దూరం కావాలనుకున్నాడు. కానీ కాంట్రాక్టు ప్రకారం అతడు 2021 చివరి వరకు తమతో ఉండాల్సిందేనని, లేదంటే సుమారు రూ.6వేల 103 కోట్లు చెల్లించాల్సి ఉంటుందని సదరు క్లబ్ స్పష్టం చేసింది. ఈ నేపథ్యంలో మెస్సీ ఈ ఏడాది జట్టుతోనే కొనసాగాలని నిర్ణయించుకున్నాడు.
ఇదీ చూడండి: ఇన్స్టాలో ఫుట్బాలర్ రొనాల్డో ప్రపంచ రికార్డు
