2014 ప్రపంచకప్ సెమీస్‌.. రెండు జట్లూ సమతూకంగానే ఉన్నాయి. కానీ అభిమానుల ఓటు మాత్రం ఎప్పటిలాగే బ్రెజిల్‌ వైపు కాస్త ఎక్కువగా ఉంది. కానీ ఆ మ్యాచ్‌లో రికార్డు గోల్ కొట్టి జట్టు విశ్వాసాన్ని అమాంతం పెంచేశాడు క్లోజ్. అప్పటికే 11వ నిమిషంలో ముల్లర్‌ కొట్టిన గోల్తో బ్రెజిల్‌ కసి మీద ఉంది. ఎలాగైనా దెబ్బకు దెబ్బ తీయాలనే ఉద్దేశంతో ఎదురు దాడులు మొదలుపెట్టింది. అయితే 23వ నిమిషంలో డిఫెన్స్‌లో లోపాలు కనిపెట్టిన క్లోజ్.. వేగంగా ముందుకు కదిలాడు.
సహచరుడు అందించిన పాస్‌ను సద్వినియోగం చేస్తూ బంతిని నెట్లోకి కొట్టేయబోయాడు. కానీ కీపర్‌ కాళ్లకు తగిలిన బంతి మళ్లీ వెనక్కి వచ్చింది. అయినా వదలని క్లోజ్.. అదే ఊపులో గోల్ చేసేశాడు. ఇది ప్రపంచకప్‌లో అతనికి 15వ గోల్. అత్యధిక గోల్స్‌ సాధించిన బ్రెజిల్‌ స్టార్‌ రొనాల్డోను సమం చేసిన గోల్. ఈ గోల్తో మ్యాచ్‌లో జర్మనీ జోరు పెరిగింది. తర్వాత గోల్స్‌ వర్షం కురిసింది.అందులో పడి బ్రెజిల్‌ కొట్టుకుపోయింది.
ఇదీ చూడండి : 'టీ20 ప్రపంచకప్ జట్టులో ధోనీ ఉంటే మంచిది'
