ఐదుసార్లు ప్రపంచ ఛాంపియన్, ఒలింపిక్స్ స్వర్ణ పతక విజేత అయిన బ్రెజిల్ ఫుట్బాల్ జట్టు అనుహ్య నిర్ణయం తీసుకుంది. ఈ జట్టు స్టార్ ఆటగాడు నెయ్మర్Neymar) లేకుండానే టోక్యో ఒలింపిక్స్(Tokyo Olympic)లో పాల్గొనేందుకు సిద్ధమైంది. తాజాగా మెగాటోర్నీకి ప్రకటించిన జట్టులో నెయ్మర్తో పాటు మరో స్టార్ ప్లేయర్ మర్కినోస్కు మొండిచేయి చూపించింది మేనేజ్మెంట్. అలాగే 38 ఏళ్ల డేనియల్ అల్వ్స్తో పాటు 31 ఏళ్ల గోల్ కీపర్ సాంటోస్, డిఫెండర్ డియాగో కార్లోస్ను జట్టులోకి తీసుకున్నారు.
2016లో సొంతగడ్డపై జరిగిన రియో ఒలింపిక్స్లో స్వర్ణం పతకం సాధించింది బ్రెజిల్. ఫైనల్లో జర్మనీపై 5-4 తేడాతో గెలిచి గోల్డ్ దక్కించుకుంది. ఈ టోర్నీలో జట్టుకు కెప్టెన్గా వ్యహరించిన నెయ్మర్ ఎన్నో కీలక గోల్స్తో అలరించాడు. ఐదుసార్లు ప్రపంచ ఛాంపియన్ అయిన ఈ జట్టుకు ఇదే తొలి ఒలింపిక్ గోల్డ్. అంతకుముందు మూడు రజతాలు, రెండు కాంస్యాలు గెలుచుకుంది.
నెయ్మర్ అందుకే..
ప్రస్తుతం కోపా అమెరికా టోర్నీలో ఆడుతున్నాడు నెయ్మర్. ఈ టోర్నీ జులై 10 వరకు జరగనుంది. జులై 23న ఒలింపిక్స్ ఫుట్బాల్ మ్యాచ్లు మొదలవుతాయి. దీంతో ఇతడు మెగాటోర్నీకి వెళ్లే అవకాశం లేకుండా పోయింది.
ఈ ఏడాది ఒలింపిక్స్లో గ్రూప్-డిలో ఉంది బ్రెజిల్. ఈ జట్టుతో పాటు ఈ గ్రూప్లో జర్మనీ, సౌదీ అరేబియా, ఐవరీ కోస్ట్ ఉన్నాయి.
జట్టు
గోల్ కీపర్ : సాంటోస్, బ్రెన్నో
డిఫెండర్స్ : డానీ అల్వ్స్, గాబ్రియేల్ మెనినో, అరానా, గాబ్రియేల్ మగల్హాస్, నినో, డిగో కార్లోస్
మిడ్ ఫీల్డర్స్ : డగ్లస్ లూయిజ్, బ్రూనో గుమేరస్, గెర్సన్, క్లాడిన్హో, మాథ్యూ హెన్రిక్స్
ఫార్వర్డ్స్ : మాథ్యూ కన్హా, మల్కోమ్, ఆంటోనీ, పాలిన్హో, పెడ్రో.
